شعری از نباتی
گؤره سن من نییه یارب بئله نالان اولـــــــدوم؟
غلط ائتـدیم کی سنه واله و حئیران اولــــــــــــدوم.
اودا یاخدین من بیچاره نی پروانه کیمــــــــــی،
آجیغین گـــــلدی مگر عاشیق انسان اولــــــــــدوم؟
سود و سرمایه می مجموع ألیمدن آلــــــــــدین
نییـــــه کیم زاهید اولوب مسجده دربان اولـــــدوم!
شیخ صنعان کیمی بوینوما سالدیم زنــــــــــار،
اینــــــــــدی گل گؤر کی کلیسالارا رهبان اولدوم.
ائتدیم اول دلبر ترسایا بوگون بیر سجـــــــــده،
ایندی بیلدیم کی یقین من ده موسلمان اولــــــــدوم!
لله الحمد کی من کوفرده بولدوم ایمـــــــــــــان،
کئــــــچن ایامه نه حاصیل که پشیمان اولــــــدوم!
گل نباتی،دولانیم باشینا،وه! وه! نه گـــــــــــؤزه ل
جام وئریب، یاره وفا راهینه قوربان اولـــــــــدوم
هیچ نظری موجود نیست:
ارسال یک نظر